2023 жылғы 5 сәуірде «AMANAT» партиясының қоғамдық саясат институтының «Socio Expert Club» алаңында «жаңа саяси мәдениет және креативті индустрия» тақырыбы аясында «Капитан Qazaqstan»комиксі таныстырылды.
Іс-шараға ҚР Парламенті Сенаты мен Мәжілісінің депутаттары, мемлекеттік органдардың өкілдері, зиялы қауым өкілдері, саясаттанушылар, сарапшылар, блогерлер, жастар ұйымдарының көшбасшылары қатысты.
Бұл шығарманың авторы-партия жанындағы Қоғамдық саясат институтының бас сарапшысы Еран Ахмеди.
Комикстің басты кейіпкері Дінмұхаммед Қасымхан-түнде әділетсіздікпен күресетін супер қаһарманға айналатын саясаткер.
«AMANAT» партиясының хатшысы Дәулет Карибек өз сөзінде манганың (жапон комиксі) «Наруто» ретінде пайда болуы Жапониядағы жастар арасындағы суицидтің санын едәуір азайтқанын атап өтті. Сондықтан мұндай туындылар қоғамға қажет.
Бүгін автор комикстің жалғасын дайындауда, ол үш бөлімнен тұрады.
«Капитан Qazaqstan» комиксін Астана қаласындағы «Алаш» және «Абай» дүкендерінен сатып алуға болады.